2628中國人壽公布按中國會計準則，08年第一季度股東應佔利潤３４.７４億元人民幣，比去年同期下跌６０﹒９１％。
初步睇中國人壽08年第一季度的利潤表, 其實淨利潤大跌主要的原因係營業支出大增而並非營業收入下跌. 事實上, 中國人壽08年第一季總營業收入有1,110.73億元人民幣, 比去年同期增加172.41億元人民幣, 同比增加18.37%, 但營業支出1,074.45億元人民幣, 比去年同期增加235.28億元人民幣, 同比增加28.07%, 營業支出增長比營業收入增長多左62.87億元人民幣, 係導致淨利潤大跌的主要的原因.
營業收入方面有以下幾點想講:
1. 保險業務收入1,021.54億元人民幣, 比去年同期增加282.93億元人民幣, 增長38.31%
2. 已賺保費有1016.10億元人民幣, 比去年同期增加287.54億元人民幣, 增長39.47%
3. 短棍投資帳面虧損55.15億元人民幣, 去年同期則有帳面盈利39.06億元人民幣
可以睇到, 即使短棍投資帳面轉盈為虧, 但相對已賺保費增長左287.54億元, 並不至令到淨利潤大跌.
現在睇下導致淨利潤大跌的兇手 -- 營業支出方面:
1. 退保金140.61億元人民幣, 比去年同期增加36.01億元人民幣
2. 提取保險責任準備金438.65億元人民幣, 比去年同期增加240.65億元人民幣, 同比增加左121.54%, 呢個才是導致淨利潤大跌的主要原因, 管理層解釋保險責任準備金大增的原因係保險業務規模持續增長. 不過, 保險業務收入增長38.31%, 已賺保費增長39.31%, 但保險責任準備金卻大增121.54%, 管理層的解釋顯然未能令人信服. 保險責任準備金大增的其中一個原因可能係由於新售保單的抵補利率(crediting rate)提高左, 即係邊際利潤少左.
3. 為資產減值撇帳23.01億元人民幣, 呢項比較特別, 不過管理層無解釋原因.
初步認為第一季度業績報告披露的資料唔多, 對08年全年業績的啟示作用未必太大, 仍然有太多變數. 中國人壽的股東暫時無需要太擔心. 筆者會繼續持有手上的13,000股, 如果股價下跌, 有興趣加碼買入.
台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/
Me too. 不過天災時D agent 真係搵唔到人sell 保險!?不過真係有可能在中國發生.
回覆刪除市場先生你好，想問下你有冇聽過2007年業績有產品"鴻泰"的500億一次性支出?
回覆刪除其實如果下年冇左鴻泰的500億支出，假設國壽冇任何增長，咁咪多左500億收入? 上年全年都係講緊三百幾億...
市場先生你好，想問下你有冇聽過2007年業績有產品"鴻泰"的500億一次性支出?
回覆刪除其實如果下年冇左鴻泰的500億支出，假設國壽冇任何增長，咁咪多左500億收入? 上年全年都係講緊三百幾億...
我估"保險責任準備金"可能真是保險業務規模大幅(並非"持續"咁簡單)增長所致。舉一例子說明：
回覆刪除甲新買一壽保 100 萬，但因第一年新交之保費大部份俾o左 Sales 做 Commission 同其他行政費用，實際落袋(已賺保費)唔多，但公司就要提取 100 萬責任準備金 (Reserve) o黎準備將來之賠償。因此做成"已賺保費"收入增幅追唔上提取"保險責任準備金"之增幅此一現象。
如果真是如此解讀，2628 第一季之業績不是小好，而是大好。
可能新產品 (鴻豐)利潤不及以前...
回覆刪除如此的話,就算A股好, 紅利分派亦會急升
呢個先係關鍵, 亦遠比單係因為一兩季既短棍公允值下跌帶來倒退更令人擔心
鴻豐應該仲肥，因為起碼做十年．之前鴻利係做3幾年
回覆刪除可能好似thomas 講,一次過當所有commission 係expense. 個reserve 就大好多．
而家希望多六叔幫口
我認為資產減值撇帳23.01億是長棍減值
回覆刪除長棍減值不是在儲備內減值嗎？
回覆刪除冇賺過錢D股票要在損益表反映，有累計的盈利可先在儲備內扣除。
回覆刪除mr. market
回覆刪除i found that 2628 used chinese account policy while 2318 used international account policy.
is it why 2318 gets increasing profit while 2628 gets decreasing profit for Q1? i remember i heard that chinese account policy regards 1st year life insurance agent commission as expenses while international policy can allow even distribution of commission among years.
I noted the cash outflow of 2628 from acquisition of investments (RMB 52,425m) was exceptionally high during 08Q1 (you can find this number from cash flow statemetn). Even i considered the impact of cash received from sales/redemption of investments, which give rise to the net outflow of RMB$31,337m (i.e. 52,425-21,048), still doesnt make sense to me. I still have no clue even i further considered the MtM changes.
回覆刪除Do you have any idea?
回應無名士: 2628第一季經營活動產生的現金淨流入365.2億元, 投資活動現金流入276.21億元, 投資活動現金流出530.5億元, 睇唔到有乜特別問題, 保險公司定期收到保費, 加上一d投資收到的現金, 例如債券到期, 或者債券利息, 股息, 基金派息等等, 運用呢d資金再投資係正常的做法.
回覆刪除