今次去珠海其中一個主要事情係搞贖回珠海物業的手續. 上星期五9點幾就要上到深圳某中資銀行, 然後銀行安排司機"車"我和另一位銀行職員去珠海房地產登記中心搞抵押注銷手續. 聽講前幾個月好多人贖樓, 然後在2手市場沽售, 銀行職員話現在樓市淡靜左, 樓價也回左. 去到珠海個司機停左車在一間算係珠海最大的酒樓"五月花皇朝大酒樓", 佢地話2:30pm房地產登記中心才辦公, 所以食飯先. 睇來佢地預左客人"即係我"請呢餐, 不過埋單都唔使1百蚊 (3個人已經食到飽飽 ), 可想而知, 珠海食野真係幾平. 2:15pm去到房地產登記中心, 有10幾個人排隊, 有d人應該係同地產經紀一齊, 似係賣樓. 結果未夠3點已經搞掂晒手續, 拿回一本"房地產權證", 然後個銀行職員同我講, 而家你同銀行已經無晒關係啦, 你鍾意隨時都可以賣左個單位. ...
下次再講 珠海的其他見聞. 這個星期仍然放緊大假, 所以好游閑, 好輕鬆, 有好多時間處理私人事務, 最重要係可以10點幾先起床.
一返來個股市即大升千幾點. 現時我的組合佈局係:
65% : 匯豐 + 宏利; 係我流動資產的基石, 兩間都係經歷過無數風浪的世界級一流金融集團, 將大部分資產持有匯豐 和 宏利, 學大陸人的講法叫做"心裡踏實", 即係好安心, 好放心的意思.
15%: 中資金融股+食品飲品股(暫時只得1886和2319, 未有食品股, 遲d希望可以買322和1068, 甚至就快上市的統一食品)
20%: 現金
未來的shopping對象仍然係食品飲品股, 策略仍然係"越跌越買, 唔跌唔買". 有現金在手, 唔怕無機會買野.
先生, 你會否申請統一ipo? 會否上市時吸納?
回覆刪除小興-kk : 會申請統一, 也想買入, 到時睇價錢
回覆刪除佢地又會要個客請食飯咁搞笑...^0^
回覆刪除最近好多外國人都抨擊中國食品既安全同品質, 你怕唔怕呀 ?
請問你自己又點睇中國食品既安全同品質呢?
(我自己好少返大陸..)
THANK YOU
苦榮
先生：
回覆刪除在大陸買賣樓宇現在是否很多雜費，成本是否很高？
可否詳細些說明？
珠海的物業是退休或是渡假用呢？珠海有沒有地鐵？
如方便請說多些，珠海只到過一次旅行，很有興趣知。
回應苦榮: 我飲過匯源果汁, 都ok.
回覆刪除回應hongkonguide: 國內買樓, 手續繁過香港, 都有唔少雜費, 我幫中原買的. 珠海的物業是渡假用的, 無地鐵, 通常坐巴士和的士.
想問下先生，現價1886 --8.2-3 , 2318:26-27 , 邊個抵d ???
回覆刪除我在9.4入左1886 ~
回應rr: 2319比1886令人安心.
回覆刪除