星期日, 9月 02, 2007

一些回應 (20070902)

回應Eddie: 長線投資的最佳時機係大部分人無興趣買股票的時候, 因為那時即使優質藍籌股價錢都會好平, 可以一筆過大手買入, 然後擺埋一邊, 唔使理佢, 長線持有. 現時股市牛氣沖天, 幾乎全民皆有買股票, 絕對唔係長線投資的好時機, 因為市況一旦逆轉, 即使最優質的藍籌股股價都可能下跌50%. 所以我認為現時只宜月供股票, 和短線投機.

回應kevin: 分析股票的入門書, 林深池的平民資本家係好的選擇, 書中的例子夠晒地道, 有親切感, 而且文字淺白.

另外, 見到newsgroup有關持有匯豐是否好的投資選擇的討論. 我唔知其他人的情況, 只能從自己的實際情況和觀點去講. 正如打仗一樣, 不能孤注一擲只顧進攻, 也要作好戰事失利時退守的預備, 而且三軍未動, 糧草先行, 不論是進攻或者防守, 糧草都是好重要的. 如果投資是一場長期的戰爭, 匯豐就是我的糧草, 就是我大後方強而有力的支援. 以下係過去10年匯豐每股的派息記錄, 每年都超過10%的增長. 有人埋怨匯豐股價近來無增長, 對我來講, 如果匯豐盈利有增長, 派息有增長, 股價無增長對我並非壞事, 因為我靠以股代息可以換更多的股數, 增加收息的基礎. 以我個人的例子, 靠以股代息我手上匯豐的股數平均每年以4.5%的幅度增加, 無乜野值得我擔憂.

位於

25 則留言:

  1. 匿名9/02/2007 08:01:00 上午

    匯豐作長線投資合理，你今天再次解釋了這觀點，非常明白，謝謝！

    但仍希望你能解答我先前的問題(或許之前問得不清楚，問題重組如下)：你知道匯豐和Citigroup積弱多時，短線幾時才升無人能知，用來投機有點怪，投機理應看短期走勢，可否解釋為什麼買入匯豐作投機？

    回覆刪除
  2. 匿名9/02/2007 10:23:00 上午

    先生，$140的匯豐是否值得現在一筆過買入做長線投資呢?

    回覆刪除
  3. 匿名9/02/2007 10:32:00 上午

    市場先生,
    請問現在匯豐股價低迷,是否可以一筆過大手買入, 然後擺埋一邊, 唔使理佢, 長線持有的好時機?

    Steven

    回覆刪除
  4. Alex9/02/2007 04:23:00 下午

    近期都沽左一d低市值公司,寧願hold 大野,5仔無乜起息,呢排真係齋收息.

    http://jhome.exblog.jp/i7

    回覆刪除
  5. 肥魚爸爸9/02/2007 07:10:00 下午

    我由去年4月開始買股票，其中包括匯丰。
    我就覺得買匯丰要有耐性，而且股價不是最重要買入的重要考慮因素。派息率年年增加才是最重要考慮。好像我的匯丰平均價是128元（今年在140.5元有買入一手，現在看來時機不是把握得很好），今年派息率已差不多5%。比起美國債券好我就已經很滿足！

    回覆刪除
  6. 匿名9/02/2007 09:11:00 下午

    請問3898可作長線投資嗎?

    回覆刪除
  7. 匿名9/02/2007 10:28:00 下午

    Mr Market, regarding your reply to Eddie's question, I have a follow up question.

    You said that it is better to wait for a big drop in stock market and build your long term portfolio at that time. But as no one knows when the big drop will come. You may need to wait for 2-3 years for that opportunity. During those time, your money is sitting idle in bank , doing nothing.

    My question is that will it be better if you keep on investing in good stocks in reasonable price (ie HSBC, various local banks), instead of waiting for that big drop?

    Thanks very much for answering.

    回覆刪除
  8. 匿名9/03/2007 03:55:00 上午

    三軍未動, 糧草先行... 匯豐就是我的糧草

    呢幾句真係好中,完全係小弟心聲,亦相信係好多真正投資者o既心聲. 個人認為一個投資組合, 一定要有匯豐做基石, 尤其係而家抵到爛o既匯豐.

    亦都想講東尼講過o既, 匯豐而家就好似一煲煲緊o既水, 就算你用蓋蓋住, 最終都阻唔住蒸汽噴出來. 匯豐將來大升, 只會係時間問題.

    回覆刪除
  9. 匿名9/03/2007 04:55:00 下午

    市場先生, 經常提及的"月供股票", 是怎樣的? 股票可以都可以月供? 希望你能解答我, thanks.

    回覆刪除
  10. 匿名9/03/2007 05:27:00 下午

    首先放在銀行有息收，只是現在的息率實在太低！
    我過去是用1個月買1手的方法建立我941的倉。現在平均價大約50元，例如今年earning大約可以有4元，我願意以最高為85元的上限買入！當有超值的機會時，我會把多餘的錢用來買貨。現在941在100元以上我已經覺得貴，所以我又會把每月的錢儲起來等機會！
    當大跌市分段買入，好處是你的平均價會很低，當你計算派息率的增長時，効果是不可同日而語！
    若是你仍未有貨，我會建議先把一部分錢拿來開倉，用每月入貨的方法建立你的倉。當機會來時，你便可以用那些未動用的錢分段再入來壯大你的倉。這方法我覺得是用來買一些派息高的好股。

    回覆刪除
  11. 匿名9/04/2007 08:56:00 上午

    其實我覺得不需所有錢用來買匯豊,有一部份可買H中資股,這樣回報不是更好嗎?尢其現在,中資股大升機會不是時常有.如果單靠收息,很難做到財務自由.是嗎?(慧廣居士)

    回覆刪除
  12. 匿名9/04/2007 11:51:00 上午

    假設過去大約10%的股息增長率可以持續，加上現時大約5%的 dividend yield ，total return 係 15% 。當年Ben Graham 賺到 o既 複式回報率都係咁上下。當然，而家ｄ人追求 o既 係一年賺幾倍，咁大笨象好難咁引到佢 o地 。Disclosure of interest: 我前排亦 o係 $138 左右上車。

    回覆刪除
  13. 匿名9/05/2007 12:15:00 上午

    恭喜您！我記得我以前同人說匯丰是好股時，我得到的是奇怪的眼光，好像說匯丰是好不用你說!但是他們就不願意買。

    回覆刪除
  14. Unknown9/05/2007 01:11:00 上午

    市場先生你好:

    想請問一下, 如想做月供股票, 那一間銀行較好, 謝謝.

    回覆刪除
  15. 匿名9/05/2007 07:08:00 下午

    市場先生！我係新手，想問下點樣開始學投資，有冇書或者課堂由基本學起?

    回覆刪除
  16. 匿名9/06/2007 07:59:00 下午

    好多無聊人話你, 真係煩死! 唔好理佢地,
    我相信你唔係佢地講0果種人!

    回覆刪除
  17. yeeyee9/07/2007 12:55:00 下午

    市場先生！我係新手，想問下而家匯豐(股價/賬面值 14.80倍)是不是很高??因為你以前只係話2-3倍???

    回覆刪除
  18. yeeyee9/07/2007 12:58:00 下午

    市場先生！我係新手，想問下點解而家匯豐每股賬面值只有9.36 呢???

    回覆刪除
  19. 市場先生9/10/2007 09:09:00 下午

    To 眾位Anonymous : 現時的匯豐, 無論係138.1或者140, 都是好抵買. 係目前市況少數仍然可以一筆過買入做長線投資的優質股.

    回覆刪除
  20. 市場先生9/10/2007 09:11:00 下午

    To 新手: 3898長線我唔肯定, 但持有3,5年我認為無問題.

    回覆刪除
  21. 市場先生9/10/2007 09:16:00 下午

    To Johnny: 有人會咁做, 市況瘋狂沽貨, 市況低迷出來買貨, 兩樣都唔係就淨儲錢. 我認為現時唔係一筆過大手買入長線投資的時候, 但月供股票可以繼續. 至於短線投機就小注無妨

    回覆刪除
  22. 市場先生9/10/2007 09:19:00 下午

    回應月供股票的問題: 中銀月供股票最抵, 5000蚊或以下可以用信用卡, 賺積分. 月供2萬蚊或以下, 無論幾多隻股票, 費用仍然係50蚊.

    回覆刪除
  23. 市場先生9/10/2007 09:20:00 下午

    To 慧廣居士: 我的永久組合, 有匯豐也有其他金融股包括中資金融股

    回覆刪除
  24. 市場先生9/10/2007 09:21:00 下午

    To Gari: 股市新手可以從月供股票開始.

    回覆刪除
  25. 市場先生9/10/2007 09:25:00 下午

    To yeeyee: 匯豐於07年6月底的每股NAV係10.1美元.

    回覆刪除